نئی ٹیسٹ رینکنگ جاری

نئی ٹیسٹ رینکنگ جاری، سٹیو اسمتھ نے ویرات کوہلی سے ٹاپ پوزیشن چھین لی
پاکستان کے بابراعظم 800پوائنٹس کے ساتھ پانچویں نمبر پرموجود،ٹاپ10بائولرز میں کوئی پاکستانی موجود نہیں
دبئی:انٹر نیشنل کرکٹ کونسل (آئی سی سی )نے نئی ٹیسٹ رینکنگ جاری کر دی جس کے مطابق بھارتی کپتان ویرات کوہلی ایک درجہ تنرلی کا شکار ہو گئے ہیں جب کہ ان کی جگہ پہلی پوزیشن آسٹریلیا کے سٹیو سمتھ نے سنبھال لی ہے ۔ سٹیو سمتھ 911پوائنٹس کے ساتھ پہلی پوزیشن آ گئے ہیں جبکہ بھارتی کپتان ویرات کوہلی 906پوائنٹس کے ساتھ دوسرے نمبر پر ہیں ، تیسرے نمبر پر نیوزی لینڈ کے کین ولیمسن 853پوائنٹس کے ساتھ موجود ہیں،چوتھے نمبرپر آسٹریلیا کے مارنس لبسشین کے827پوائنٹس ہیں جبکہ پاکستان کے بابراعظم 800پوائنٹس کے ساتھ پانچویں نمبر پر ہیں ۔آئی سی سی ٹیسٹ باولرز کی ریکنگ میں پہلا نمبر بھی آسٹریلیا کے پاس ہی ہے -پیٹ کمنز 904پوائنٹس کے ساتھ پہلی پوزیشن پر ہیں تاہم ٹاپ ٹین میں شامل ہونے کیلئے سب سے بہترین ترقی نیوزی لینڈ کے ٹم سوتھی کی ہے جوکہ آٹھ درجے بہتری کے ساتھ چھٹی پوزیشن پر آ گئے ہیں ۔بہترین دس باولرز کی فہرست میں پاکستان کا کوئی بھی باولر موجود نہیں ہے ۔اسی طرح آل راونڈر ز کی فہرست میں ویسٹ انڈیز کے جیسن ہولڈر نے پہلی پوزیشن اپنی گرفت میں کر رکھی ہے جب کہ اس میں بھی کوئی پاکستانی کھلاڑی موجود نہیں ہے ۔آئی سی سی کی بہترین دس ٹیسٹ ٹیمز کی ریکنگ میں کوئی تبدیلی نہیں آئی ہے ، بھارت پہلے ، آسٹریلیا دوسرے ،انگلینڈ تیسرے ، نیوزی لینڈ چوتھے ، ساوتھ افریقہ پانچویں ، سری لنکا چھٹے ، پاکستان ساتویں ، ویسٹ انڈیز آٹھویں ، بنگلہ دیش نویں اور افغانستان کی ٹیم دسویں نمبر پر ہے ۔




اس خبر پر اپنی رائے کا اظہار کریں