راولپنڈی ٹیسٹ، ٹکٹوں کی فروخت کی تاریخ کا اعلان

راولپنڈی: پاکستان اور بنگلہ دیش کے درمیان کھیلے جانے والے پہلے ٹیسٹ کی ٹکٹوں کی فروخت کی تاریخ کا اعلان کردیا گیا۔

اے آر وائی نیوز کے مطابق پاکستان کرکٹ بورڈ (پی سی بی) نے راولپنڈی ٹیسٹ کے لیے ٹکٹوں کی فروخت کی تاریخ کا اعلان کردیا جس کے مطابق ٹکٹوں کی فروخت منگل سے شروع ہوگی۔

پی سی بی کے مطابق 7 سے 11 فروری تک شائقین پنڈی اسٹیڈیم سے ٹکٹ خرید سکتے ہیں، اسلام آباد اور راولپنڈی ایکسپریس سینٹرز پر ٹکٹوں کی فروخت کل سے شروع ہوگی۔

شائقین کرکٹ سینٹرز سے ٹکٹ خریدتے وقت قومی شناختی کارڈ ہمراہ رکھیں، ایک شناختی کارڈ پر زیادہ سے زیادہ 5 ٹکٹیں حاصل کی جاسکتی ہیں۔

پی سی بی نے شائقین کی سہولت اور دلچسپی کے پیش نظر ٹکٹوں کے نرخ کم رکھے ہیں۔

یاد رہے کہ پاکستان نے بنگلہ دیش کو تین ٹی 20 میچز کی سیریز میں 2-0 سے شکست دی تھی۔




اس خبر پر اپنی رائے کا اظہار کریں